சித்தர்கள், மறைஞானிகள், யோகிகள், சூபிஸ்டுக்கள் என்ற பதங்கள் சமயத்தோடும் சமய மெய்யியலோடும் (Religious Philosophy)தொடர்புடைய பதங்களாகும். பொதுவாக சமயம் என்பதற்கு எண்ணக்கரு ரீதியாக பல்வேறு கருத்தாக்கங்கள் காணப்படினும் வெறும் நம்பிக்கை கிரியைகளோடும் மட்டும் அமையாது ஒரு உயர்ந்த குறிக்கோளை அடைய உதவும் சாதனம் அல்லது வழிமுறை (Way of Path) சமயம் எனலாம்”. சமயம் எப்போதும் ஒரு மனிதனுக்கு பௌதிகரீதியாக ஒழுக்கம் சார்ந்த விடையங்களை வளர்ப்பதோடு பௌதீகதீகரீதியான (Metaphysics) சிந்தனைக்கு முக்கியத்துவம் கொடுப்பதாக அமையப்பெற்றுள்ளது. உலகில் வாழ்கின்ற எல்லோரும் ஒரே மூலத்தில் இருந்து வந்தவர்கள் என்ற சிந்தனை மேலோங்கும் போது எல்லோரும் சமம் என்ற எண்ணத்தை வைத்துக்கொள்ள முடியும். இதன் மூலம் ஒருவருக்கொருவர் ஒத்தும் உதவியும் வாழ வேண்டும் என்ற ஒரு நெறியை சமயம் என்ற சொற்றொடர் விளக்குகிறது. இதனையே சிலர் சமம் + இயல் ஸ்ரீ சமயம் என்பர்.

மனிதன் ஆறாவது அறிவு பெற்றவன். அனுமானம் எனும் ஆறாவது அறிவு உள்ளவன். சிந்திக்க் கூடியவன். மனம் + இதன்= மனிதன் (Human ) மனத்தை இதமாக வைத்துக் கொள்பவன் மனிதன். அவன் மாண்புடையவன்,நற்குணங்களுடையவன். ஐந்தறிவு விலங்கில் இருந்து ஆறாவது அறிவு உள்ள மனிதனாக வந்துள்ளான். விலங்கினப் பண்பிலிருந்து விடுபட்டு  மனித இன பண்புடையவாக சிறந்து விளங்கக் கூடியவன். இத்தகைய மனிதன் நல்ல எண்ணம், நல்ல சொல், நல்ல செயல் இவற்றின் மூலம் நன்மையே செய்வது மனித இனப்பண்பு. அன்பும் கருணையுமாக இருத்தல். தெய்வீகப்பண்புகொண்டிருத்தல், இயற்கையோடு ஒத்து மகிழ்வாக இருத்தல் எனவே மனித வாழ்க்கை கீழ்வரும் மூன்று அம்சங்களோடு இணைந்துள்ளது. அதாவது  தான், சமூதாயம், இயற்கை. தான் என்பது  தனி மனிதனைக் குறிக்கின்றது. மனிதர்களின் தொகுப்பே சமூதாயம். தனி மனிதனைச் சுற்றி உயிரற்ற பொருடகளும் உயிரினங்களும் அமைந்துள்ளதே இயற்கை. இந்த இயற்கையோடு ஒத்து வாழ்ந்தால் வாழ்க்கை இனிமையாக இருக்கும் என்ற விடையத்தை சித்தர்களும்,யோகிகளும் சுட்டிக்காட்டியுள்ளார்கள்.தத்துவம் என்ற சொல்லுக்கு (Philosophy) உண்மை என்பது பொருள் (Vision Of Truth) உண்மை என்பது என்றுமே உள்ளது எனப் பொருள்படும். தத்துவஞானம் என்பது உண்மையை அறிவது. உருவமில்லாத இறைவழியே  அனைத்துத் தோற்றத்திற்கும் காரணமாக இருக்கிற 

நன்றி