காரைதீவு விவேகானந்தா விளையாட்டுக் கழகத்தினர் புதுவருடப் பிறப்பினையொட்டி இன்றைய தினம் உதைபந்தாட்ட போட்டியினை காரைதீவு கனகரெட்ணம் விளையாட்டரங்கில் நடாத்தியது. இப்போட்டியானது காரைதீவு VSC-அணியினருக்கும் கல்முனை விறிலியன்ட் விளையாட்டுக் கழகத்தினருக்குமிடையே இடம்பெற்றது. இப்போட்டியில் காரைதீவு விவேகானந்தா விளையாட்டுக் கழகத்தினர் வெற்றீயிட்டி கிண்ணத்தினைச் சுவீகரித்தனர். இந்நிகழ்வானது, VSC-கழகத் தலைவர் எஸ்.தங்கவடிவேல் (தொழில் நுட்ப உத்தியோகத்தர்) அவர்களின் தலமையில் இடம்பெற்றதுடன், இப்போட்டிக்கு பிரதம அதிதியாக கே.கோணேஸ், மேலும் சிறப்பதிதிகளாக, எஸ்.நேசராஜா (முன்னாள் தலைவர், VSC), ஜெ.பிரியதர்ஷன் (செயலாளர், VSC), வீ.ஜெயகோபன்(உப தலைவர், VSC), ஜே. சோபிதாஸ் (பொருளாளர், VSC), எஸ்.சிறீஸ்கந்தராஜா(முத்த உறுப்பினர், VSC) ஆகியோரும் கலந்து சிறப்பித்தனர். இந்நிகழ்வுகளின்போதான காட்சிகளில் சிலவற்றை இங்கே காணலாம்..
இலங்கை வங்கி காரைதீவுக் கிளையின் புத்தாண்டு கொடுக்கல் வாங்கல் நிகழ்வானது இன்றைய தினம் காரைதீவு இலங்கை வங்கி கிளையின் முகாமையாளர் R.தவராஜா தலமையில் இடம்பெற்ற நிகழ்வில், காரைதீவு பிரதேச செயலாளர் சிவ.ஜெகராஜன், காரைதீவு கோட்டக்கல்வி அதிகாரி பரதன் கந்தசாமி, முன்னாள் ஓய்வுநிலை இலங்கை வங்கி முகாமையாளர் திருமதி. பா.விவேகானந்தராஜா மற்றும் பலரும் கலந்துகொண்டனர். இதன்போதான நிகழ்வுகளின் தொகுப்பினைப் படங்களில் காணலாம்..
நேற்றைய தினம் (15.04.2014), சித்திர குப்த நாயனாருக்கு சித்திரை மாதத்தில் அனுஷ்டிக்கப்படும் மிக உன்னதமான விரதமான சித்திரகுப்த விரதம் காரைதீவிலுள்ள ஆலயங்கள் அனைத்திலும் பக்தர்களினால் அனுஷ்டிக்கப்பட்டது.
அந்தவகையில், காரைதீவு சிவன் கோயில், முருகன் கோயில், கண்ணகை அம்மன் கோயில் மற்றும் சித்தானைக் குட்டி சுவாமி ஆலயம் போன்றவற்றிலும் இவ்விரதமானது அனுஷ்டிக்கப்பட்டது. இதன்போது சிவன் கோயிலில் உகந்தை யாத்திரிகர் சங்கத்தினரால் பஜனை நிகழ்வுகளும் இடம்பெற்றதுடன், ஆலயங்களில் அன்னதான நிகழ்வுகளும் இடம்பெற்றது. இதன்போதான காட்சிகளில் சில..
காரைதீவு விவேகானந்தா விளையாட்டுக் கழகத்தினர் புதுவருடப் பிறப்பினையொட்டி கரப்பந்தாட்ட போட்டியினை கண்ணகியம்மன் ஆலய கபடா வளவிலுள்ள கரப்பந்தாட்ட மைதானத்தில் நடாத்தியது. இப்போட்டியானது காரைதீவு VSC-அணியினரும், நிந்தவூர் லகான் விளையாட்டுக் கழகத்தினருக்குமிடையே 4 சுற்றுக்களைக் கொண்ட கரப்பந்தாட்டப் போட்டியில் காரைதீவு விவேகானந்தா விளையாட்டுக் கழகத்தினர் தொடர்ந்து மூன்று போட்டியிலும் வெற்றீயிட்டி கிண்ணத்தினைச் சுவீகரித்தனர். கழகத் தலைவர் திரு.தங்கவடிவேல் (தொழில் நுட்ப உத்தியோகத்தர்) அவர்களின் தலமையில் இடம்பெற்ற இப்போட்டிக்கு பிரதம அதிதியாக மட்டக்களப்பு மாவட்ட கமநலசேவைகள் திணைக்களத்தின் உதவி ஆணையாளர் எந்திரி. சிவலிங்கன் கலந்து கொண்டு சிறப்பித்தார்.
சித்திரைப் புத்தாண்டை முன்னிட்டு காரைதீவு ஸ்ரீ சித்தானைக்குட்டி சுவாமி ஆலயத்தில் பௌர்ணமி சிறப்பு யாகம் மற்றும் கோமாதா பூசை வழிபாடும் இன்று சிறப்பாக நடைபெற்றது. இந்நிகழ்வின்போது பெருந்திரளான பக்தர்களும் கலந்துகொண்டனர்.
காரைதீவு ஸ்ரீ கண்ணமை அம்மன் ஆலயத்தில் புதுவருடப்பிறப்பினையொட்டியதான விஷேட பூசை வழிபாடுகளும் புதுவருட கைவிஷேட நிகழ்வும் வழமைபோல் இன்றைய தினமும் பலநூறு பக்தர்களின் சங்கமத்துடன் இடம்பெற்றது. இதன்போது பக்தர்கள் வழிபாடுகளிலீடுபடுவதனையும் கைவிஷேடம் பெறுவதனையும் படங்களில் காணலாம்..
posted Apr 13, 2014, 2:33 AM by Web Team -A
[
updated Apr 14, 2014, 11:36 PM by Web Team
]
Certificate Awarding Ceremony by ACS Technology System - Karaitivu
காரைதீவு தொழிற்கற்கைகள் நிறுவனத்தின் சான்றிதழ் வழங்கும் விழா நேற்று விபுலானந்தா மணி மண்டபத்தில் முகாமையாளர் முத்துலிங்கம் தர்சன் தலைமையில் சிறப்பாக கலைநிகழ்ச்சிகளுடன் நடைபெற்றது. அதிதிகளாக காரைதீவு பிரதேச செயலாளர் சிவ.ஜெகராஜன் கௌரவ அதிதிகளாக உதவிக்கல்விப்பணிப்பாளர்களான வி.ரி.சகாதேவராஜா கண.வரதராஜன் ஆகியோர் கலந்து சிறப்பித்தனர்.பயிற்சியை பூர்த்திசெய்த 55 மாணவர்களுக்கு சான்றிதழ்கள் வழங்கிவைக்கப்பட்டன. இதன்போதான காட்சிகள் இவை.
இன்று அதிகாலை கல்முனைக் குடி அஷ்ரப் வைத்தியசாலைக்கு அருகில் இடம்பெற்ற பாரிய விபத்தில் நால்வர் கொல்லப்பட்டும், 18பேர் படுகாயங்களுக்கும் அஷ்ரப் வைத்திய சாலையில் அனுமதிக்கப்பட்டு சிகிச்சை பெற்றுவருகின்றனர்.
இவ்விபத்துத் தொடர்பாக மேலும் தெரியவருவதாவது..
இன்று அதிகாலை சுமார் 4.10 மணிக்கு இவ்விபத்து இடம்பெற்றுள்ளதோடு, கொழும்பிலிருந்து பணிகளுடன் அக்கரைப்பற்று நோக்கி வந்த பஸ் வண்டியும் காரைதீவிலிருந்து கல்முனை நோக்கிச்சென்ற பஸ் வண்டியும் நேருக்கு நேராக மோதியதில் ஏற்பட்ட கோர விபத்தினாலேயே நால்வர் கொல்லப்பட்டும், 18பேர் படுகாயமடைந்துமுள்ளனர்.
மேலும், தற்போது வீதிப் போக்குவரத்துப் பொலிசார் சம்பவ இடத்தினை தமது கட்டுப்பாட்டுக்குள் கொண்டுவந்துள்ளதுடன், விசாரணைகளையும் மேற்கொண்டுள்ளனர்.
posted Apr 12, 2014, 9:28 AM by Web Team
[
updated Apr 14, 2014, 9:40 AM
]
காரைதீவு சுகாதார வைத்தியர் அலுவலகத்தினை 5S திட்டத்தின்படி சீர்செய்து நடைமுறைப்படுத்தி மக்களுக்கு சிறந்த சேவையாற்றிவரும் அலுவலகத்தின் வினைத்திறன் மிக்க செயற்பாட்டினைப் படங்களில் காணலாம்..
