27.09.16-  நீர்தாங்கிக்கான அடிக்கல் நாட்டி வைத்தார் அங்கஜன் இராமநாதன்..

posted Sep 27, 2016, 5:52 PM by Habithas Nadaraja

 27.09.2016 இன்று மாலை கழுவன்சுழிபுரத்தில் அமைந்துள்ள ஸ்ரீராம் சனசமு நிலைய இளைஞனர்களையும் அவர்களது விளையாட்டு திறனனை ஊக்குவிக்கும் முகமாக ஒருதொகுதி விளையாட்டு உபகரங்களும் நிலையத்தின் தண்ணீர் பிரச்னையை தீர்க்கும் முமாக நீர்த்தாங்கி ஓன்று அமைக்கும் வேலைத்திடத்தின் நீர்தாங்கிக்கான அடிக்கல் பாராளுமன்றஉறுப்பினர் அங்கஜன் ராமநாதனால் நாட்டிவைக்கப்பட்டது.









27.09.16- காத்தான்குடி பாத்திமா பாலிகா வித்தியாலயத்தின் அபிவிருத்திப் பணிக்கு ஹிஸ்புல்லாஹ்வினால் 6.2 மில்லியன் ரூபா ஒதுக்கீடு..

posted Sep 27, 2016, 9:59 AM by Habithas Nadaraja   [ updated Sep 27, 2016, 5:49 PM ]

மட்டக்களப்பு மத்தி கல்வி வலயத்தின் கீழ் இயங்கி வருகின்ற காத்தான்குடி பாத்திமா பாலிகா வித்தியாலத்தின் அபிவிருத்திப் பணிகளுக்காக புனர்வாழ்வு மற்றும் மீள்குடியேற்ற அமைச்சினால் 6.2 மில்லியன் ரூபா நிதி ஒதுக்கீடு செய்யப்பட்டுள்ளது. 

குறித்த பாடசாலை நிர்வாகம் புனர்வாழ்வு மற்றும் மீள்குடியேற்ற இராஜாங்க அமைச்சர் எம்.எல்.ஏ.எஎம்.ஹிஸ்புல்லாஹ்விடம் விடுத்த வேண்டுகோளுக்கு அமைவாக அவரது சிபாரிசின் பேரில், புனர்வாழ்வு மற்றும் மீள்குடியேற்ற அமைச்சினால் இந்நிதி ஒதுக்கீடு செய்யப்பட்டுள்ளது. 

பாத்திமா பாலிகா வித்தியாலயத்தில் நிழவும் வகுப்பறை பற்றாக்குறை நிவர்த்தி செய்யும் முகமாக இந்நிதி, வகுப்பறை கட்டிடத் தொகுதி நிர்மாணிப்பதற்கு பயன்படுத்தப்படவுள்ளது. 

இதற்கான நிதி ஒதுக்கீட்டுக் கடிதம் இராஜாங்க அமைச்சர் ஹிஸ்;புல்லாஹ்வின் ஆலோசனைக்கு அமைய புனர்வாழ்வு மற்றும் மீள்குடியேற்ற இராஜாங்க அமைச்சின் செயலாளரினால் மட்டு மாவட்ட அரசாங்க அதிபருக்கு அனுப்பி வைக்கப்பட்டுள்ளமைக் குறிப்பிடத்தக்கது.



27.09.16- கிழக்கு மாகாண கட்டடங்கள் திணைக்கள 'முக்கோண கிரிக்கெட் சமர்' தொடரில் 'மட்டு அணி' சம்பியன்..

posted Sep 27, 2016, 9:55 AM by Habithas Nadaraja

கிழக்கு மாகாண கட்டடங்கள் திணைக்கள உத்தியோகத்தர்களின் வருடாந்த குடும்ப ஒன்றுகூடல் நிகழ்வை முன்னிட்டு உத்தியோகத்தர்களுக்கிடையிலான 'முக்கோண கிரிக்கெட் சமர்' நிந்தவூர் அஷ்ரஃப் ஞாபகார்த்த விளையாட்டு மைதானத்தில் நேற்று (25) ஞாயிற்றுக்கிழமை இடம்பெற்றது.

அணிக்கு 11 பேர் கொண்ட 5 ஓவர்கள் மட்டுப்படுத்தப்பட்ட முக்கோண கிரிக்கெட் சமரில் அம்பாறை, மட்டு, திருமலை மாவட்ட கட்டடங்கள் திணைக்கள அணிகள் மோதின.

முக்கோண கிரிக்கெட் சமரின் இறுதிப் போட்டிக்கு அம்பாறை மற்றும் மட்டு மாவட்ட கட்டடங்கள் திணைக்கள அணிகள் மோதியது.

நாணயச் சுழற்சியில்; வெற்றி பெற்ற அம்பாறை மாவட்ட கட்டடங்கள் திணைக்கள அணி முதலில் களத்தடுப்பை தெரிவு செய்தது.

முதலில் துடுப்பெடுத்தாடிய மட்டு மாவட்ட கட்டடங்கள் திணைக்கள அணி 5 ஓவர் நிறைவில் விக்கெட் இழப்பின்றி 56 ஓட்டங்களை பெற்றது.

இதில் மட்டு மாவட்ட கட்டடங்கள் திணைக்கள அணி வீரர் யுனக்சன் 51 ஓட்டங்களை பெற்றுக்கொடுத்தார்.

பதிலுக்கு துடுப்பெடுத்தாடிய அம்பாறை மாவட்ட கட்டடங்கள் திணைக்கள அணி 5 ஓவர் நிறைவில் 4 விக்கெட் இழப்பிற்கு 52 ஓட்டங்களை மட்டுமே பெற்றது.

இதில் மட்டு மாவட்ட கட்டடங்கள் திணைக்கள அணி 4 ஓட்டங்களால் வெற்றி பெற்று கிழக்கு மாகாண கட்டடங்கள் திணைக்கள 2016ம் ஆண்டுக்கான சம்பியனானது. 

போட்டியின் சிறப்பாட்டக்காரராக மட்டு மாவட்ட கட்டடங்கள் திணைக்கள அணி வீரர் யுனக்சன் தெரிவு செய்யப்பட்டார்.

அம்பாறை மாவட்ட கல்முனை கட்டடங்கள் திணைக்கள பிரதம பொறியியலாளர் எந்திரி ஏ.எம்.ஸாஹிர் தலைமையில் இடம்பெற்ற இப்போட்டி நிகழ்வுக்கு கிழக்கு மாகாண பொறியியல் சேவைகள் பிரதிப் பிரதம செயலாளர் சிரேஷ்ட எந்திரி ஏ.வேல் மாணிக்கம் பிரதம அதிதியாக கலந்து கொண்டார்.

இந்நிகழ்வில் மட்டு மாவட்ட கட்டடங்கள் திணைக்கள பிரதம பொறியியலாளர் எந்திரி சுரேஷ் குமார், திருமலை மாவட்ட கட்டடங்கள் திணைக்கள பிரதம பொறியியலாளர் எந்திரி திருமதி செல்வகுமாரி, அம்பாறை மாவட்ட கல்முனை கட்டடங்கள் திணைக்கள நிறைவேற்று பொறியியலாளர் எந்திரி ஏ.அச்சுதன், மட்டு மாவட்ட கட்டடங்கள் திணைக்கள நிறைவேற்று பொறியியலாளர் எந்திரி எஸ்.சந்திர மோகன், திருமலை மாவட்ட கட்டடங்கள் திணைக்கள நிறைவேற்று பொறியியலாளர் எந்திரி சீ.துவாரன் உள்ளிட்ட அம்பாறை, மட்டு, திருமலை மாவட்ட கட்டடங்கள் திணைக்களத்தின் உயர் அதிகாரிகள், தொழில்நுட்ப உத்தியோகத்தர்கள், உத்தியோகத்தர்கள் என பலரும் கலந்து கொண்டனர்.

சம்பியன் அணிக்கான வெற்றிக் கிண்ணத்தை பிரதம அதிதி கிழக்கு மாகாண பொறியியல் சேவைகள் பிரதிப் பிரதம செயலாளர் சிரேஷ்ட எந்திரி ஏ.வேல் மாணிக்கம்  வழங்கி வைத்தார்.

(ஹாசிப் யாஸீன்)







27.09.16- மீள்குடியேற்ற அமைச்சினால் நிதி ஒதுக்கீடு செய்யப்பட்டுள்ள வேலைத்திட்டங்கள் இவ்வருட இறுதிக்குள் பூரணப்படுத்து..

posted Sep 27, 2016, 9:47 AM by Habithas Nadaraja

மீள்குடியேற்ற அமைச்சினால் நிதி ஒதுக்கீடு செய்யப்பட்டுள்ள  
வேலைத்திட்டங்கள் இவ்வருட இறுதிக்குள் பூரணப்படுத்துக!

அரசாங்க அதிபர்கள், திட்டப்பணிப்பாளர்களுக்கு
இராஜாங்க அமைச்சர் ஹிஸ்புல்லாஹ் வேண்டுகோள் 


புனர்வாழ்வு மற்றும் மீள்குடியேற்ற அமைச்சினால் இவ்வருட வரவு – செலவு திட்டத்தின் கீழ் யுத்தத்தினால் பாதிக்கப்பட்ட 11 மாவட்டங்ளுக்கு ஒதுக்கீடு செய்யப்பட்ட சுமார் 12ஆயிரம் மில்லியன் ரூபாவுக்கான வீட்டுத்திட்டம், குடிநீர் திட்டம், மலசலகூடம் அமைக்கும் திட்டம், வாழ்வாதார மற்றும் உட்கட்டமைப்பு அபிவிருத்தித் திட்டங்கள் அனைத்தும் இவ்வருட இறுதிக்குள் பூரணப்படுத்தப்பட வேண்டும் என புனர்வாழ்வு மற்றும் மீள்குடியேற்ற இராஜாங்க அமைச்சர் எம்.எல்.ஏ.எம்.ஹிஸ்புல்லாஹ் குறித்த மாவட்ட அதிபர்கள் மற்றும் திட்டப்பணிப்பாளர்களுக்கும் வேண்டுகோள் விடுத்துள்ளார். 

இராஜாங்க அமைச்சர் இது தொடர்பில் மேலும் கூறியுள்ளதாவது:-
புனர்வாழ்வு மற்றும் மீள்குடியேற்ற அமைச்சின் நிதி ஒதுக்கீட்டின் கீழ் வடக்கு – கிழக்கு மாகாணங்களிலுள்ள 8 மாவட்டங்களோடு, புத்தளம், அநுராதபுரம் மற்றும் பொலன்னறுவை இணைந்ததாக 11 மாவட்டங்களில் 8 இலட்சம் ரூபா பொறுமதியான 10,030 நிரந்தர வீடுகள்  8024 மில்லியன் ரூபா செலவில் நிர்மாணிக்கப்படுகின்றன. தற்போது இவ்வீட்டுத் திட்டங்கள் துரிதமாக நிர்மாணிக்கப்பட்டு வருகின்றன. அதில், வடக்கு, கிழக்கு மாகாணங்களில் யுத்தத்தினால் சேதமடைந்துள்ள 2400 வீடுகள் 48 மில்லியன் ரூபா செலவில் புதிதாக நிர்மாணிக்கப்படுகின்றன. இத்திட்டத்தின் கீழ் ஒரு வீட்டின் திருத்த வேலைகளுக்காக ஒவ்வொரு குடும்பத்திற்கும் 2 இலட்சம் ரூபா வழங்கப்படுகின்றது. 

அதேவேளை, இப்பகுதிகளில் வாழ்கின்ற மக்களின் சுகாதாரத்தை மேம்படுத்துவதற்காக 7600 குடும்பங்களுக்கு மலசலகூடங்கள் அமைத்துக் கொடுப்பதற்காக 418 மில்லியன் ரூபா நிதி ஒதுக்கீடு செய்யப்பட்டு தற்போது வேலைகள் நடைபெற்று வருகின்றன. இத்திட்டத்தின் கீழ் ஒரு மலசல கூடம் 55ஆயிரம் செலவில் கட்டப்படுகின்றது. 

மேலும், யுத்தினால் பாதிக்கப்பட்ட 11 மாவட்டங்களில் வாழ்கின்ற மக்களுக்கு குடிநீர் வசதிகளை ஏற்படுத்திக் கொடுப்பதற்காக 647 மில்லியன் ரூபா நிதி ஓதுக்கீடு செய்யப்பட்டுள்ளது. இத்திட்டத்தின் கீழ் பொதுக்கிணறுகள் அமைத்தல், பொதுக்கிணறுகளை திருத்தல் மற்றும் நீர் விநியோக இணைப்புகளை வீடுகளுக்கு வழங்கல் என்பவற்றின் மூலமாக பாதிக்கப்பட்ட மக்களுக்கான குடிநீர் பிரச்சினையைத் தீர்ப்பதற்கான நடவடிக்கைகள் மேற்கொள்ளப்பட்டு வருகின்றன.

வடக்கு- கிழக்கு மாகாணங்களில் மக்கள் மீள் குடியேறியுள்ள பிரதேசங்களில் அடிப்படை உட்கட்டமைப்பு வசதிகளை மேற்கொள்வதற்காக 632.70 மில்லியன் ரூபா ஒதுக்கீடு செய்யப்பட்டுள்ளது. இந்த வேலைத் திட்டத்தின் கீழ் வீதிகள் புனரமைப்பு, பாடசாலை கட்டடங்கள் புனரமைப்பு மற்றும் பாடசாலைகளில் நீர் மற்றும் சுகாதார வசதிகளை மேம்படுத்தல் போன்ற செயற்றிட்டங்கள் நடைமுறைப்படுத்தப்படுகின்றன. 

அத்துடன், போரினால் கடுமையாகப் பாதிக்கப்பட்டு பல குடும்பங்கள் தமது வாழ்வாதாரத்தை இழந்துள்ளன. இக் குடும்பங்களின் வாழ்வாதாரத்தை மேம்படுத்தும் முகமாக ஒரு குடும்பத்திற்கு ஒரு இலட்சம் ரூபா வீதம் வாழ்வாதார உதவி வழங்க நடவடிக்கை எடுக்கப்பட்டுள்ளது. இதற்கமைவாக  1,205 மில்லியன் ரூபா ஒதுக்கீடு செய்யப்பட்டுள்ளது. 

இத்திட்டங்கள் அனைத்தும் இவ்வருட இறுதிக்குள் பூரணப்படுத்துவதற்கு குறித்த மாவட்ட அதிபர்கள், திட்டபணிப்பாளர்கள் நடவடிக்கை எடுக்க வேண்டும் - என அவர் மேலும் குறிப்பிட்டுள்ளார். 



26.09.16- கிழக்கு மாகாண கட்டடங்கள் திணைக்கள உத்தியோகத்தர்களின் வருடாந்த குடும்ப ஒன்றுகூடல்..

posted Sep 25, 2016, 6:22 PM by Habithas Nadaraja

கிழக்கு மாகாண அம்பாறை, மட்டு, திருமலை மாவட்ட கட்டடங்கள் திணைக்கள உத்தியோகத்தர்களின் வருடாந்த குடும்ப ஒன்றுகூடல் அம்பாறை மாவட்ட கல்முனை கட்டடங்கள் திணைக்கள நலன்புரிச் சங்கத்தின் ஏற்பாட்டில் நிந்தவூர் பிரதேச சபை கேட்போர் கூடத்தின் இன்று (25) ஞாயிற்றுக்கிழமை காலை முதல் மாலை வரை முழுநாள் நிகழ்வாக இடம்பெற்றது.

அம்பாறை மாவட்ட கல்முனை கட்டடங்கள் திணைக்கள பிரதம பொறியியலாளர் எந்திரி ஏ.எம்.ஸாஹிர் தலைமையில் இடம்பெற்ற இந்நிகழ்வில் கிழக்கு மாகாண பொறியியல் சேவைகள் பிரதிப் பிரதம செயலாளர் சிரேஷ்ட எந்திரி ஏ.வேல் மாணிக்கம் பிரதம அதிதியாக கலந்து கொண்டார்.

இந்நிகழ்வில் மட்டு மாவட்ட கட்டடங்கள் திணைக்கள பிரதம பொறியியலாளர் எந்திரி சுரேஷ் குமார், திருமலை மாவட்ட கட்டடங்கள் திணைக்கள பிரதம பொறியியலாளர் எந்திரி திருமதி செல்வகுமாரி, அம்பாறை மாவட்ட கல்முனை கட்டடங்கள் திணைக்கள நிறைவேற்று பொறியியலாளர் எந்திரி ஏ.அச்சுதன், மட்டு மாவட்ட கட்டடங்கள் திணைக்கள நிறைவேற்று பொறியியலாளர் எந்திரி எஸ்.சந்திர மோகன், திருமலை மாவட்ட கட்டடங்கள் திணைக்கள நிறைவேற்று பொறியியலாளர் எந்திரி சீ.துவாரன் உள்ளிட்ட அம்பாறை, மட்டு, திருமலை மாவட்ட கட்டடங்கள் திணைக்களத்தின் உயர் அதிகாரிகள், தொழில்நுட்ப உத்தியோகத்தர்கள், உத்தியோகத்தர்கள் என பலரும் கலந்து கொண்டனர்.

ஒன்றுகூடலின் காலை நேர நிகழ்வாக உத்தியோகத்தர்களுக்கிடையிலான முக்கோண கிரிக்கெட் சுற்றுப்போட்டி, கிராமிய மற்றும் பாரம்பரிய விளையாட்டுப் போட்டிகள் என்பன இடம்பெற்றன.

மாலை நேர நிகழ்வாக கலை நிகழ்ச்சிகளும் போட்டி நிகழ்வுகளில் வெற்றி பெற்ற உத்தியோகத்தர்களுக்கு பரிசில்களும் வழங்கி வைக்கப்பட்டன.

இந்நிகழ்வின் விஷேட அம்சமாக கிழக்கு மாகாண பொறியியல் சேவைகள் பிரதிப் பிரதம செயலாளராக சிரேஷ்ட எந்திரி ஏ.வேல் மாணிக்கம் நியமிக்கப்பட்டதையிட்டு அவருக்கு நினைவுச் சின்னம் மற்றும் வாழ்த்துப்பா என்பனவற்றை அம்பாறை மாவட்ட கல்முனை கட்டடங்கள் திணைக்கள பிரதம பொறியியலாளர் எந்திரி ஏ.எம்.ஸாஹிர்,  நிறைவேற்று பொறியியலாளர் எந்திரி ஏ.அச்சுதன் ஆகியேர் வழங்கி கௌரவித்தனர்.

(ஹாசிப் யாஸீன்)








25.09.16-கிழக்கில் 1108 பாடசாலைகளில் 5021 ஆசிரியர்களுக்கான வெற்றிடங்கள் உள்ளது -கிழக்கு முதல்வர் ஹாபிஸ் நஸீர்..

posted Sep 25, 2016, 10:25 AM by Habithas Nadaraja

கிழக்கு மாகாணத்தில் 1108 பாடசாலைகளில் 5021 ஆசிரியர்களுக்கான வெற்றிடங்கள் உள்ளதாக  கிழக்கு மாகாண முதலமைச்சர் ஹாபிஸ் நஸீர் அஹமட் தெரிவித்தார். கல்வி அபிவிருத்திக்காக வருடாவருடம் ஒதுக்கப்படும் நிதிகளை ஆக்கபூர்வமான முறையில் பயன்படுத்த வேண்டும் என்ற நோக்கில் மட்டக்களப்பு மாவட்ட சகல கோட்டப் பாடசாலைகளுக்கும் நேரடி விஜயம் மேற்கொண்ட முதலமைச்சர் அங்கு உரையாற்றும் போதே மேற்கண்டவாறு தெரிவித்தார்.

தொடர்ந்தும் அவர் உரை நிகழ்த்தும்போது..

கிழக்கு மாகாணப் பாடசலைகளில் 5021 ஆசிரியர்களுக்கான வெற்றிடங்கள் காணப்படுகின்றன. ஆனால் அதனை வெளிப்படுத்தாது மறைக்கப்பட்டுள்ளதனை நான் அறிந்து அதிகாரிகளுக்கு அது சம்மந்தமாக அறிக்கை சமர்ப்பிக்குமாறு பணித்துள்ளேன். ஆனால் இன்று கிழக்கு மாகாணத்தில் இருந்து இம்முறை வெளியாகியுள்ள கல்விக் கல்லூரி ஆசிரியர்களை கிழக்கு மாகாணத்துக்கே நியமிக்க வேண்டும் என்றும் கூறியுள்ளேன்.

கிழக்கில் பாரிய ஆளணித் தட்டுப்பாடு காணப்படுகிறது. கடந்த காலங்களில் ஆட்சியில் இருந்தவர்கள் விட்டதவறினால் இன்று அவைகள் எல்லாவற்றையும் சேர்த்து ஒருங்கிணைத்துச் செல்ல வேண்டிய தேவை எமக்கு ஏற்பட்டுள்ளது. 2013 ஆம் ஆண்டு 1134 வெற்றிடங்கள் காணப்பட்டது. அதுபோல் இன்று 5021 ஆசிரியர்களுக்கான வெற்றிடம் கிழக்கு மாகாணப் பாடசாலைகளில் ஏற்பட்டுள்ளன.
 கல்விப்பணிப்பாளரின் தகவலின் படி இன்று ஆரம்பப் பிரிவுக்காக 279 ஆசிரியர்களும், கணிதப் பிரிவுக்காக 411 ஆசிரியர்களும் ஆங்கிலத்துக்காக 365 ஆசிரியர்களும் விஞ்ஞானத்துக்காக 36 ஆசிரியர்களும் இதர பாடங்களுக்குமாக இவ்வெற்றிடங்கள்  இருக்கின்றன என்று தெரிவித்தார்.

அத்துடன் பாடசாலைகளுக்கு என்றும் இல்லாதவாறு இவ்வருடம் பாரிய  நிதிகள் வழங்கப்பட்டுள்ளன. அந்த நிதிகளின் மூலம் நீடித்து நிலைக்கக் கூடிய திட்டங்களுக்களை வினைத்திறன் மற்றும் விளை திறனுடன் பயன்படுத்திக்கொள்ள வேண்டும் என்ற நோக்கில் மாகாணக் கல்விக்குழுவினருடன் பாடசாலைகளின் அதிபர்கள் மற்றும் பாடசாலைகளின் அபிவிருத்திக் குழிவினரையும் அழைத்து கலந்துரையாடும் நிகழ்வு இரண்டாம் நாளாகவும் இன்று இடம்பெற்றது.

குறித்த இக்கலந்துரையாடல்கள் காத்தான்குடி அல்-ஹிரா மகாவித்தியாலயம், ஏறாவூர் மாக்கான் மாக்கார் வித்தியாலயம், ஓட்டமாவடி பாத்திமா பாலிகா வித்தியாலயம், மற்றும் முதலமைச்சின் ஏறாவூர் காரியாலயத்திலும் இடம்பெற்றன.

இச்சந்திப்பில் கிழக்கு மாகாண சபை உறுப்பினர் சிப்லி பாறூக், மாகாணக் கல்விப் பணிப்பாளர்கள் எம்.ரி.நிஷாம், வலயக் கல்விப் பணிப்பாளர் எம்.எஸ்.சேகூ அலி, கோட்டக் கல்விப் பணிப்பாளர்கள், பாடசாலை அதிபர்கள், பாடசாலை அபிவிருத்திக் குழுவினர் ஆகியோர் இச்சந்திப்புகளில் கலந்துகொண்டு தங்களின் நிர்வாகத்தின் கீழுள்ள பாடசாலைகளின் தேவைகளையும், குறைகளையும் எடுத்துக்கூறியதுடன், உடனடியாகப் பூர்த்தி செய்யக் கூடிய தேவைகளை உடன் நிறைவேற்றிக் கொடுப்பதற்கும் முதலமைச்சர் அதிகாரிகளைப் பணித்தமை குறிப்பிடத்தக்கது.












25.09.16- 2587 ஏக்கர் ஏழைத்தமிழர்களின் விவசாயக்காணியை வனவளஇலாகா சூறையாடத்திட்டம்: அனுமதிக்கமுடியாது என்கிறார் கோடீஸ்வரன் எம்.பி..

posted Sep 25, 2016, 9:59 AM by Habithas Nadaraja

அம்பாறை மாவட்டத்தின் ஆலையடிவேம்பு திருக்கோவில் மற்றும் பொத்தவில் பிரதேசத்திலுள்ள த தோணிக்கல் நீத்தைஆறு தோணிக்கல் மேற்குக்கண்டம் பொத்தானை தோணிக்கல் தென்கண்டம் டிப்போமடு கஞ்சிக்குடிச்சாறு  ஆகிய பிரதேசங்களிலுள்ள தமிழர்களின் 2587 ஏக்கர் காணிகளை வனவள அதிகாரிகள் நிலஅளவை செய்து கையகப்படுத்தும் செயற்பாட்டில் ஈடுபட்டுள்ளதை வன்மையாகக்கண்டிக்கின்றேன்.இது தொடர்பாக பாராளுமன்றத்திலும் எடுத்துரைத்துள்ளேன்.இதனை அனுமதிக்கமுடியாது.

இவ்வாறு தமிழ்த்தேசியக்கூட்டமைப்பின் அம்பாறை மாவட்ட பாராளுமன்ற உறுப்பினர் எ.கே.கோடீஸ்வரன் தெரிவித்தா.
அம்பாறை மாவட்ட தமிழ்மக்களின் காணிள் அண்மைக்காலமாக பிரச்சினைக்குள்ளாகிவருவதனையொட்டி அவரிடம் கேட்டபேதே அவர் மேற்கண்டவாறு தெரிவித்தார்.

அவர் மேலும் கூறுகையில்;

1962முதல் சேனைப்பயிர்செய்கையிலும் பின்பு விவசாயச்செய்கையிலும் ஈடுபட்டுவந்த அவர்களுக்கு  1969இல் நடாத்திய காணிக்கச்சேரியில் காணிக்குரிய அனுமதிப்பத்திரம் வழங்கப்பட்டது..பின்பு முன்னாள் ஜனாதிபதி சந்திரிகா அம்மையாரின் காலத்தில் ஜயபூமி திட்டத்தின்கீழ் காணி உறுதிப்பத்திரங்கள் வழங்கப்பட்டன.

ஆக மொத்தத்தில் அக்காணிகளுக்குரிய உரிமம் அவர்களிடமிருக்கின்றது.இந்நpலையில் வனவள இலாகா அதிகாரிகள் தன்னிச்சையாக எல்லைக்கற்களைப் போட்டு ஏழைத்தமிழ்மக்களது காணியை அபகரிக்க முயல்வது குறித்து வேதனையடைகின்றோம். அவர்களது விவசயாம் அதாவது ஜீவனோபாயம் பாதிக்கப்பட்டுள்ளது.

இதேவேளை லாகுகலை பக்மிட்டியாவ சிங்களப்பகுதியிலுள்ள இதேபோன்ற காணிகள் எந்த அளவைக்கும் சுவீகரிப்புக்கும் உட்படவில்லை. இது என்ன பாரபட்சம்? 
கடந்த ஆட்சியில் இடம்பெற்றதுபோன்று எமது இன்றைய ஜனாதிபதியின் நல்லாட்சிக்காலத்தில் இதுபோன்ற பாரபட்ச செயற்பாடுகள்  நடைபெறக்கூடாது. அதற்கு அனுமதிக்கவும்கூடாது.

ஏழை விவசாயியின் மகன்தான் இன்றைய ஜனாதிபதி மைத்திரிபால சிறிசேன.எனவே விவசாயிகளின்காணி பற்றி அவருக்கு நன்கு தெரியும். அவர் தலைமையிலான இன்றைய நல்லாட்சியில் தமிழ்மக்களது காணிகளுக்கு நல்லதீர்வு கிடைக்கும்.
நல்லாட்சி அரசாங்கம் நமக்கு நல்லதீர்வைத்தரும்.இது வட்டமடு பிரச்சினை அல்ல. தோணிக்கல் காணிகளில் 1200 ஏக்கரை நான் ஏற்கனவே விடுவித்து விவசாயச் செய்கைக்காக தந்திருக்கின்றேன். அது தற்காலிக தீர்வாகவிருந்தது. எனவே நிரந்தரதீர்வு வேண்டுமென கோரியிருக்கின்றேன்.

கடந்தஆட்சிக்காலத்தில் திட்டமிடப்படாத முறையில் முன்னெடுக்கப்பட்ட ஒலுவில் துறைமுக அபிவிருத்தியால் திருக்கோவில் கல்முனைஒலுவில் போன்ற பிரதேச கடலோரம் தினம்தினம் அரிக்கப்பட்டுவருகின்றது.இதனால் எமது வளங்கள் சூறையாடப்படுகின்றன.இது தொடர்பிலும் பாராளுமன்றில் பேசியிருக்கின்றேன் என்றார்.


காரைதீவு  நிருபர் சகா





25.09.16- தங்கம் வென்ற தமிழன் பாலுராஜ்..

posted Sep 25, 2016, 9:45 AM by Habithas Nadaraja

42வது தேசிய கராட்டி விளையாட்டுப்போட்டியில் போட்டியில் கல்முனை சேனைக்குடியிருப்பைச் சேர்ந்த கராட்டிவீரர் சௌந்தரராஜன் பாலுராஜ் தங்கப்பதக்கத்தை வென்றுள்ளார்.



காட்டா கராட்டே போட்டியில் தங்கம் வென்ற பாலுராஜ் இவ்வருடத்திற்கான சிறந்தவிளையாட்டுவீரராகவும் தெரிவு செய்யப்பட்டுள்ளார்.

தேசிய விளையாட்டுப்போட்டியில் தொடர்ந்து 5வருடங்களாக பாலுராஜ் முதலிடம்பெற்று தங்கப்பதக்கத்தை சுவீகரித்துவருகிறார்.
கல்முனை தமிழ்ப்பிருதெசத்திற்கு தேசியரீதியில் பெருமைசேர்த்த கராட்டே வீரர் பாலுராஜ்ஜை கல்முனை தமிழ்ப்பிரிவு பிரதேசசெயலளர் கந்தையா லவநாதன் பாராட்டிக் கௌரவித்தார்.

கடந்த 15வருடங்களாக காட்டா பிரிவில் பங்கேற்றுவரும் பாலுராஜ் 2014இல தெற்காசிய நாடுகளுக்கிடையிலான காட்டாப்போட்டியில் பங்கேற்று தங்கப்பதக்கத்தை சுவீகரித்திருந்தார்.

2013இல் மலேசியாவிலும் 2014இல் இந்தியாவிலும் 2015இல் ஜப்பானிலும் இடம்பெற்ற காட்டா கராட்டே போட்டியில் பங்குபற்றி பதக்கங்களைப் பெற்றிருந்தார்.


காரைதீவு நிருபர் சகா


25.09.16- டெங்கு ஒழிப்பு வாரம்நாளை திங்கட்கிழமை ஆரம்பமாகவுள்ளது..

posted Sep 24, 2016, 7:12 PM by Habithas Nadaraja

டெங்கு ஒழிப்பு வாரம் நாளை தொடக்கம் அக்டோபர் 3ஆம் திகதி வரை நடைமுறைப்படுத்தப்படும்.
பருவப்பெயர்ச்சி மழைக்காலப் பகுதியில் டெங்கு நுளம்பு அதிகரிப்பதுடன், டெங்கு நோயினால் பாதிக்கப்படுவர்களின் எண்ணிக்கையும்அதிகரிக்கக்கூடும். இதனை கருத்தில் கொண்டு நாடு முழுவதிலும், டெங்கு ஒழிப்பு வாரவேலைத் திட்டங்கள் முன்னெடுக்கப்படவுள்ளதாக சுகாதார அமைச்சின் டெங்கு ஒழிப்புப் பிரிவு அறிவித்துள்ளது.
 
தேசிய தேவையை கருத்தில் கொண்டு அரச மற்றும் தனியார் நிறுவனங்கள், பாடசாலைகள், வீடுகள், வழிபாட்டுத்தலங்கள் ஆகியவை இந்த வேலைத்திட்டத்திற்கு நேரடியாக பங்களிப்புச் செய்ய வேண்டுமென்று சுகாதார அமைச்சின் டெங்கு ஒழிப்புப் பிரிவு கேட்டுக் கொண்டுள்ளது.
 
இதேவேளை இந்த வருடத்தில் கடந்த 9 மாத காலப்பகுதியில் 41 ஆயிரத்திற்கும் மேற்பட்ட டெங்கு நோயாளர்கள் அடையாளம் காணப்பட்டிருப்பதாக சுகாதார அமைச்சின் நோய் தடுப்பு விஞ்ஞானப் பிரிவு தெரிவித்துள்ளது.


 


25.09.16- இன்று கல்முனை றோட்டரிக்கழகத்தின் 16வது தலைவராக சுந்தரலிங்கம் சசிகுமார்  பதவியேற்பு..

posted Sep 24, 2016, 7:00 PM by Habithas Nadaraja   [ updated Sep 24, 2016, 7:06 PM ]

கல்முனை றோட்டரிக்கழகத்தின் 16 வது தலைவராக பிரபல சமுகசேவையாளரும் தொழிலதிபருமான  றோட்டரியன் சுந்தரலிங்கம் சசிகுமார்  இன்று 25ஆம் திகதி ஞாயிற்றுக்கிழமை பதவியேற்கவுள்ளார்.

இவரது பதவியேற்பு வைபவம்  இன்று  25ஆம் திகதி ஞாயிற்றுக்கிழமை மாலை 5.00மணியளவில் கல்முனை எஸ்.எல.ஆர்.விடுதியில் 15வது தலைவர் றோட்டரியன் சீ.அழகுராஜா  தலைமையில் நடைபெறவுள்ளது.

இவ் வைபவத்திற்கு பிரதம அதிதியாக றோட்டரிக்கழகத்தின் ஆளுநர் றோட்டரியன் சேனக அரசிங்க  கலந்துகொள்ளவுள்ளார்..

கௌரவ அதிதிகளாக திருக்கோவில் வலயக்கல்விபணிப்பாளர்  ஆர்.சுகிர்தராஜன் தென்கிழக்குப்பல்கலைக்கழக பீடாதிபதி கலாநிதி எஸ்.குணபாலன்சம்மாந்துறை வலய உதவிக்கல்விப்  பணிப்பாளர் வி.ரி.சகாதேவராஜா கல்முனை றோட்டரிக்கழகத்தின்13வது தலைவர் பொறியியலாளர் றோட்டரியன் ஹென்றி அமல்ராஜ்  ஆகியோர் கலந்து கொள்ள அழைக்கப்பட்டுள்ளனர்..

செயலாளராக றோட்டரியன் எஸ்.குகதாசன் பொருளாளராக பொறியியலாளர் றோட்டரியன் எஸ்.சதீஸ் மற்றும் புதிய நிருவாகசபையினர் பதவியேற்கவுள்ளனர்.

இவ்வாண்டுக்கான நிருவாகசபை றோட்டரியன்களை புதிய தலைவர்பல சமுகசேவையாளர் றோட்டரியன் சுந்தரலிங்கம் சசிகுமார்   அறிமுகம் செய்து வைப்பார்.

கல்முனையையடுத்துள்ள ஏனைய பிரதேச றோட்டரிக்கழகக்கிளை முக்கியஸ்தர்களும் கலந்துகொள்வார்கள்.பதவியேற்பு வைபவ வர்ண மலரும் வெளியிட்டுவைக்கப்படவுள்ளது. நிகழ்வில் பரதநாட்டியம் குழுநடனமும் அரற்கேறவுள்ளது.
நிகழ்வின் இறுதியில் இன்னிசைக்கச்சேரியும் இடம்பெறவுள்ளது.

(காரைதீவு  நிருபர்    சகா)



 

1-10 of 4527